Aminado ang aktres na si Gabbi Garcia na talagang siniguro niyang hindi magseselos ang kanyang boyfriend na si Khalil Ramos kung sakaling magkaroon siya ng ibang leading man sa kanyang mga proyekto sa pelikula at telebisyon.
Ayon kay Gabbi, hindi selosong boyfried si Khalil kahit na may mga halikan at intimate scenes siya sa kanyang partner kaya naman feeling lucky siya na nagkaroon siya ng dyowa na tulad ng binata.
Sa panayam ng “Fast Talk with Boy Abunda”, natanong siya tungkol sa naging reaksyon ni Khalil sa tambalan nila ni Joshua Garcia sa Kapuso primetime series na “Unbreak My Heart”, ang unang collaboration project ng GMA Network at ABS-CBN Entertainment.
“Number one, hindi seloso si Khalil talaga, Tito Boy, and I’m grateful for it. I’m really, really grateful for it because he understands. Because he’s also an actor. Not just an actor, he’s a very good actor, and he really understands,” sabi ni Gabbi.
Hindi rin naging isyu sa relasyon nila ni Khalil ang kissing scene niya with Joshua.
“Yun ang isa sa mga pinakamasuwerte ako. And I’m really, really blessed because never siya naging conflict sa relationship namin at all. Actually, we discussed each other’s projects. ‘Oh, we have this scene with this partner. This is the goal of the scene.’ ‘Okay. Alright.’ That’s it. Tapos na. End of story. We don’t even tell our story na, ‘Oh, may kissing scene kami ni…’ Wala,” sabi ni Gabbi.
Sabi pa ni Gabbi, tinawanan lang daw siya ng kaibigan niyang si Julia Barretto (ex-girlfriend ni Joshua) nang ipaalam niya rito na magkasama sila ng aktor sa seryeng “Unbreak My Heart.”
“Actually, I called her. When the project we mentioned to me, I called her. I also called her before I left for Europe. Not for anything. It’s just, siguro, values ko lang din as a woman and as her friend. And I called her in respect. Delicadeza lang for me na, ‘Oh, I’m gonna be working with Josh for this project,” sabi ni Gabbi.
“Natawa pa nga siya na, ‘Oh my God, Gabbi. You don’t have to call me. You don’t have to even tell me. Just go.’ Dabi ko sa kanya, ‘Wala lang,’ sabi ko. ‘I just want you to know para lang walang gulatan,’” pagbabahagi pa niya.
