Mukhang may balak nang pumasok sa mundo ng showbiz ang vlogger at social media influencer na si Zeinab Harake dahil may post siya nitong nakaraan na nagpapakita na sumabak na siya sa kanyang kauna-unahang acting workshop.
Makikita rin na nakasama ng vlogger ang acting coach na si Ana Feleo at kasama rin sa ilang litrato ang kanyang pasasalamat dahil marami raw siyang natutunan.
“First acting workshop done (smiling face with heart eyes emoji],” sa kanyang caption. “Thank you so much Ms Ana Feleo (folded hands emoji) excited po sa next session natin. Ang dami ko pong natutunan today (emojis).”
Makikita pa sa comment section ang naging reaksyon ng aktres na si Jennylyn Mercado at sinabing, “Nakakaproud. Excited for u! [happy face emoji].”
Tila nasorpresa naman ang maraming fans ni Zeinab at nagpaabot ng kani-kanilang “congratulatory” messages.
Magugunitang naging usap-usapan kamakailan lang ang bagong nali-link kay Zeinab na dating PBA player na si Bobby Ray Parks Jr.
Ibinunyag ng self-proclaimed Pambansang Marites na Lalaki na si Xian Gaza na nanliligaw ngayon ang basketball player sa social media personality.
