To the rescue pala ang content creator na si Jack Logan sa aktres na si Belle Mariano makaraang ma-bash ito dahil na rin sa kontrobersyal na pahayag ng isang social media personality nitong nakaraan.
Kung matatandaan kasi, may binitiwang statement si Valentine patungkol sa itsura ng young actress at ayon sa kanya, hindi umano siya nagagandahan sa aktres.
“Ako lang ba di nakaka-appreciate ng beauty ni Belle Mariano? Di ako nagagandahan sa kaniya eh, sorry pero mas gusto ko pa itchura ni Francine,” ang tweet ni Valentine nitong nakaraan.
Kasunod ng pamba-bash sa kanya ng fans nina Belle at Donny Pangilinan, nag-tweet uli si Valentine at nilinaw na never niyang sinabihan ng pangit ang aktres.
“Jusko mahal na araw. Hindi ko sinabi na pangit siya ang sabi ko di ko lang na appreciate yung beauty niya, porket di nagagandahan assume niyo pangit agad? Beauty is in the eye of the beholder maaaring maganda sa inyo sakin hindi sakto lang,” sabi pa ni Valentine.
Pero sa FB page ni Jack, nag-iwan siya ng mensahe kay Belle.
“Maganda ka Belle Mariano, yan ay lagi mong tandaan. At wag mong intindihin yung feeling perfect na mukha namang inarmirol na kokomban. Labyu!” sabi ni Jack, na umani naman ng praises mula sa DonBelle fans.
