Nilinaw ng aktres na si Arci Muñoz na hindi niya naging BF ang pamangkin ni Jinkee Paquiao na si Seth Jamora.
Ito ay kahit pa may mga larawan silang nakaakbay ang binata sa kanya at nakahawak naman siya sa waist nito.
Nu’ng kasagsagan ng isyu kina Arci at Seth ay maraming larawang ipinost ang binata sa kanyang Instagram account na magkasama sila.
Ayon sa dalaga, hindi niya ito boyfriend at ang huling nakarelasyon daw niya ay si Anthony Ng na isang Chinese businessman at naghiwalay sila taong 2019.
Sa kasalukuyan ay walang karelasyon si Arci at mas focus daw siya ngayon sa kanyang career dahil ilang buwan din siyang nawala sa kasusunod sa BTS, sabi nga niya kailangan na niyang magtrabaho ulit para kumita.
