Aminado ang aktres na si Nadine Lustre na tulad ng mga normal na indibidwal, “makalat” din daw siya sa totoong buhay at dagdag niya, hindi rin daw ganu’n ka-perfect ang kanyang life kung ikukumpara sa mga nakikita at napapanood ng netizens sa mga photos at videos niya sa Instagram.
Dagdag ng dalaga, hindi lahat ng nakikita sa social media ay nagre-reflect sa tunay na buhay ng isang tao. Sa katunayan, marami pa raw hindi alam ang publiko tungkol sa kanyang buhay.
“I guess that I am a clutterhead,” ang diretsahang pag-amin ni Nadine sa isang vlog interview mula sa Cosmopolitan Philippines na ang tinutukoy ay ang iba’t ibang “kalat” niya sa buhay. “Because I feel like people see me as someone very composed, someone who knows what she wants. I’m actually the total opposite of that.”
“Kasi people, when they see my Instagram and they’re like, ‘you’re so creative, you’re so put together.’ I’m actually not. I’m actually all over the place especially right now,” dagdag niya.
“I don’t know what I want. You ask me what I want to eat. I don’t know. It’s not simple. It’s not that simple,” hirit pa niya.
Tungkol naman sa mga intriga at tsismis na ibinabato sa kanya, ang pinakanakakaloka at nakakatawa raw ay ang chika na buntis siya at taun-taon na lang daw ay ito ang iniisyu sa kanya.
“This happens every year. I don’t know why, I don’t know how. People just decide that I am pregnant every year. I don’t even look like it.
“I mean, if I am pregnant though, I would happily announce it to the world. Sadly, guys, I’m not pregnant and I’m not pregnant every year,” ang natatawang chika pa ng aktres at content creator na rin ngayon.
